Жаңалықтар

«Таза Қазақстан»: Мектептегі экологиялық бастамалар мен жаңашылдықтар

«К. Нұрпейісұлы атындағы мектеп-лицейі мектепке дейінгі шағын орталығымен және Түменбай бастауыш мектебімен» КММ-де «Таза Қазақстан» жалпыұлттық экологиялық акциясы аясында ауқымды іс-шаралар кешені өтіп жатыр. Бұл бастамалар оқушылардың экологиялық мәдениетін қалыптастырып, мектепті заманауи «жасыл» білім ордасына айналдыруды көздейді.

Экологиялық кеңістік пен шығармашылық идеялар

Мектепте экологиялық білім беру кеңістігін қалыптастыру мақсатында 7-сынып оқушылары ерекше белсенділік танытты. Олар сынып жетекшілері А. Сарсембаева мен А. Ясынқызының жетекшілігімен «Жасыл мектеп» бұрышының эскизін ұсынды. Бұл жоба мектеп интерьерін табиғатпен үйлестірудің тың идеяларына негізделген.

Сонымен қатар, цифрлық және практикалық бағыттар бойынша келесі жұмыстар атқарылды:

• 8 «Ә» сынып оқушылары биология пәнінің мұғалімі Гүлзира Асыранқұловамен бірге «Тірі өсімдіктер бұрышында» практикалық жұмыстар жүргізді.
• 5 «Ә» сыныбы (сынып жетекшісі: А. Әкімжан) «EcoTrend School: жасыл мектеп – заманауи тренд» тақырыбында арнайы бейнеролик түсірді.
• «Smart Green: жасыл бұрышы» бойынша оқушыларға экологияны цифрлық форматта насихаттау жұмыстары жүргізілді (Жауаптылар: Д. Курманбаева, А. Әкімжан).

Көшбасшылық пен волонтерлік бастамалар

Жоғары сынып оқушылары да бұл қозғалыстан қалыс қалмады. 10 «А» сынып оқушыларының қатысуымен «Эко-клуб: волонтерлік бастама» шарасы ұйымдастырылды. Шараның басты мақсаты — жастардың көшбасшылық қасиеттерін шыңдап, қоршаған ортаны қорғаудағы жеке жауапкершілігін арттыру.